Hot news pakistan

لندن: پاکستان کے لیے چار مرتبہ اسکواش کا برٹش اوپن جیتنے والے اعظم خان کورونا وائرس کے باعث لندن میں انتقال کرگئے۔ اعظم خان کے خاندانی ذرائع نے تصدیق کی ہے کہ اعظم خان کا انتقال کورونا وائرس کے سبب ہوا۔ ذرائع کے مطابق گزشتہ ہفتے ایلنگ اسپتال لندن میں 95 سالہ اعظم خان کا کورونا ٹیسٹ کیا گیا تھا جو مثبت آیا تھا۔ اعظم خان کے بیٹے واصل خان کا کہنا تھا کہ اسپتال انتظامیہ نے ہفتے کی شام والد کے انتقال سے آگاہ کیا ہے، ہم سب لندن میں آئسولیشن میں موجود ہیں اور اِس خبر نے ہمیں دہلا دیا ہے۔ یہ بھی پڑھیں۔ کرونا وائرس سندھ کیبعد خیبر پختونخواہ میں شدت اختیار کر گیا۔

پاکستان：- کورونا وائرس کیخلاف ٹائیگر فورس میں رضاکاروں کی رجسٹریشن سٹیزن پورٹل کے ذریعے31 مارچ کو شروع کی جائے گی۔ وزیراعظم کے معاون خصوصی امورنوجوان عثمان ڈار کو ٹائیگر فورس کے متعلق اہم ذمہ داریاں مل گئی ہیں اور انہوں نے کام شروع کر دیا ہے۔ ایک نیوز کے مطابق ڈیجیٹل فارم تیار کرلیا گیا ہے جو اکتیس مارچ کو سٹیزن پورٹل پر اپ لوڈ کردیا جائے گا۔ فارم میں نام ،پتہ، عمر، موبائل نمبر یونین کونسل و ضلع کی تفصیلات شامل ہوں گی- ٹائیگرز فورس کے لیے رضاکار وں کی رجسٹریشن 10 اپریل تک مکمل ہوجائے گی اور اس فورس کی تشکیل ہر یونین کونسل میں کی جائے گی۔ ٹائیگرز فورس میں 18 سال سے زائد عمر کے نوجوان بلاتفریق رجسٹریشن کرا سکیں گے اور کسی بھی سیاسی جماعتوں کے نوجوان اس میں شمولیت اختیار کر سکتے ہیں۔ مذکورہ فورس تمام اضلاع کے ڈپٹی کمشنرز کے ماتحت کام کرے گی۔ ملک بھر کے تمام اضلاع کے ڈپٹی کمشنرز کے ساتھ ڈیٹا شیئر کیا جائے گا۔

اگر آپ کو کھانسی ہو رہی ہے یا چھینکیں آرہی ہیں تو اس کا ہرگز یہ مطلب نہیں کہ آپ کورونا وائرس سے متاثر ہو چکے ہیں۔ اگر آپ کی ناک بند ہے اور آنکھوں میں خارش محسوس ہورہی ہے تو اس کا مطلب بھی ہرگز یہ نہیں کہ آپ کورونا وائرس کا شکار ہیں۔ اگر آپ کو خشک کھانسی، تھکاوٹ اور بخار کا سامنا ہے، تو پھر ضرور کووڈ 19 کا شک کیا جاسکتا ہے لیکن یہ بھی عام فلو کی علامات ہیں تو پھر کورونا وائرس کی واضح علامات کی ایک نمایاں فرق یہ ہے کہ جب یہ وائرس انسانی جسم پر حملہ کرتا ہے تو سانس لینے میں مشکل کا سامنا کرنا پڑتا ہے، یہ عام علامت نمونیا سے قبل سامنے آتی ہے۔ عام طور پر فلو یا نزلہ زکام میں سانس لینے میں مشکل کا سامنا اس وقت تک نہیں ہوتا جب تک نمونیا کا مرض نہ ہوجائے۔ ماہرین کے مطابق انفلوئنزا کووڈ 19 سے بہت ملتا جلتا مرض ہے مگر سانس لینے میں مشکل کا مسئلہ اس میں اتنا زیادہ نہیں ہوتا جتنا کووڈ 19 کے مریضوں کو ہوتا ہے۔ نئے کورونا وائرس کے شکار افراد میں عموماً سانس لینے میں مشکل کا سامنا مریض کو پہلی علامت بخار ہونے کےپانچ سے دس دن کے دوران ہوتا ہے۔ واضح رہے چھینکنا، ناک بہنا، چہرے میں تکلیف ا...

سندھ میں کورونا وائرس کے 11 کیس کراچی، 1 حیدرآباد ا ور 7 لاڑکانہ سے سامنے آئے ہیں۔ سندھ میں مقامی منتقلی کے کیسز کی تعداد 114 ہوگئی ہے۔ دکانیں صبح 8 سے شام 5 تک کھلی رہیں گی۔ کورونا سے بچنا ہے ، تو گھر میں رہنا ہے۔ لیکن لگتا ہے عوام کو یہ سیدھی سادھی بات سمجھ نہیں آرہی۔ وزیراعلیٰ سندھ نے لاک ڈاون کو مزید سخت کرنے کا فیصلہ کرلیا۔ ہفتے سے کھانے پینے کی اشیاء فروخت کرنے والی دکانیں رات 8 کے بجائے شام 5 بجے ہی بند ہوجائیں گی۔ اس طرح دکانیں کھلنے کا دورانیہ 12 گھنٹے سے کم کر کے 9 گھنٹے کردیا گیا ہے۔ ذرائع کا کہنا ہے کہ سندھ حکومت نے نماز جمعہ سے متعلق ہدایات کی خلاف ورزی پر بھی سخت کارروائی کا فیصلہ کیا ہے۔ ہدایت پر عمل نہ کرنے والوں کو گرفتار کیا جائے گا اور مسجد کی انتظامیہ کے خلاف بھی ایکشن لیا جائے گا۔ لاک ڈاون پر اجلاس کے دوران وزیراعلیٰ سندھ مراد علی شاہ نے آئی جی سندھ کو لاک ڈاؤن کو مزید سخت کرنے کی ہدایت کردی۔ان کا کہنا تھا کہ لوگ ابھی تک شہر میں گھوم پھر رہے ہیں۔ عوام کو لاک ڈاؤن اور حکومتی فیصلوں کا احترام کرنا ہوگا۔ مساجد میں نمازیوں کی تعداد کو محدود کرنے کا فیصلہ...

گریلو خواتین اکثر فریج میں جمی برف سے پریشان رہتی ہیں جو کہ جگہ میں کمی کا سبب بنتی ہے اور اسکو پگھلانے کیلئے کئ گھنٹے کی محنت درکار ہوتی ہے مگر اب یہ کام آپ چند منٹوں میں کر سکتے ہیں۔ سب سے پہلے اپنے فریج کو بند کر دیجئے، اور تمام سامان فریج سے باہر نکال لیجئے ۔ اب فریج میں موجود تمام شیلوز بھی نکال لیں اور انہیں اچھی طرح دھولیں ۔ پھر اپنا ہئیر ڈرائر لیں اور جمی ہوئی برف پر ہیٹ دیں ایسا کرنے سے فوری آپ کے فریزر سے جمی برف پگھلنے لگے گی اور منٹوں میں آپ کا فریج صاف ہو جائے گا۔ ایسا بھی ہو سکتا ہے کہ بے تحاشہ برف جمنے کے باعث کچھ حصے سخت ہو چائیں مگر گھبرانے کی ضرورت نہیں آپ پلاسٹ کے چمچ کی مدد سے اکھاڑ سکتے ہیں۔مگر زور آزمائی سے احتیاط کریں اور پلاسٹک کا چمچ استعمال کریں۔ جب پوری طرح برف پگھل جائے تو کسی صاف کپڑے کی  مدد سے پونچھ لیں

پاکستان کرکٹ بورڈ  نے سینٹرل اور ڈومیسٹک کنٹریکٹ یافتہ کھلاڑیوں کے لیے نوآبجیکشن سرٹیفکیٹ پالیسی جاری کردی ہے۔ پاکستان کرکٹ بورڈ کی جانب سے  جاری کردہ بیان کے مطابق  بورڈ آف گورنرز کے 57ویں اجلاس میں جائزہ لینے کے بعد اس پالیسی کی منظوری دی گئی۔ پالیسی کے تحت تمام سینٹرل کنٹریکٹ یافتہ کھلاڑیوں کو پاکستان سپرلیگ سمیت زیادہ سے زیادہ 4 لیگز میں شرکت کی اجازت ہوگی۔ پالیسی کے تحت کھلاڑی کی جانب سے این اوسی کی درخواست پر ابتدائی کارروائی شعبہ انٹرنیشنل کرکٹ آپریشنز اورقومی کرکٹ ٹیم کے ہیڈ کوچ/ٹیم منیجمنٹ کو کرنی ہوگی، جو کھلاڑی کے ورک لوڈ اور انٹرنیشنل مصروفیات کو پیش نظر رکھ کر درخواست کا جائزہ لیں تے

برطانوی وزیراعظم بورس جانسن بھی کورونا کا شکار ہوگئے  لندن برطانوی وزیراعظم بورس جانسن کا کورونا وائرس کا ٹیسٹ مثبت آ گیاہے جس کے بعد وہ قرنطینہ میں چلے گئے ہیں ۔ تفصیلات کے مطابق برطانوی وزیراعظم بورس جانس میں گزشتہ چوبیس گھنٹوں سے علامات ظاہر ہو رہی تھیں جس پر ان کا ٹیسٹ کروایا گیا جو کہ اب مثبت آ گیاہے جس کے بعد وہ قرنطینہ میں چلے گئے ہیں ، بورس جانسن عالمی سطح پر کسی بھی ملک کے پہلے سربراہ ہیں جن میں کورونا وائرس کی تشخیص ہوئی ہے جبکہ اس سے قبل جسٹسن ٹریڈو کی اہلیہ میں میں کورونا کی تشخیص ہوئی تھی ۔بورس جانسن قرنطینہ میں رہتے ہوئے اپنی ذمہ داریاں ادا کریں گے اور ویڈیو لنکس کے ذریعے معاملات کو دیکھیں گے ۔ برطانیہ کے فنانس منسٹر اور ہیلتھ منسٹر بھی خود کو قرنطینہ میں کر سکتے ہیں کیونکہ وہ دونوں وزیر بورس جانسن کے ساتھ سیاسی امور میں مصروف تھے ۔  یاد رہے کہ برطانیہ کے شہزادے چارلس میں بھی کورونا کی تشخیص ہوئی تھی جس کے بعد وہ سکاٹ لینڈ میں قرنطینہ میں چلے گئے تھے جبکہ ان کی اہلیہ کا ٹیسٹ منفی آیا تھا ۔ اس وقت پوری دنیا میں  542000سے زائد افراد کورونا وائرس ...

 بجلی صارفین کیلئے مارچ کے بلوں کی تاریخ ادائیگی میں بھی توسیع کردی گئی ہے مارچ کے بل اب 7 اپریل تک وصول کیے جائیں  گے۔ کرونا وائرس کے باعث ملک بھر میں لاک ڈاؤن کی وجہ سےحکومت نے بجلی صارفین کی مشکلات کو دیکھتے ہوئے مارچ کے بلوں کی ادائیگی کی تاریخ 7 اپریل تک بڑھا دی ہے۔ تمام تقسیم کارکمپنیوں کو ہدایت کی گئی ہے کہ 7 اپریل تک بل جمع کرانے والے صارفین سے لیٹ پیمنٹ سر چارج وصول نہ کیا جائے۔

پاکستان PPPP  کی سینیٹر کرشنا کولہی نے اپنی ایک مہینے کی تنخواہ کورونا وائرس کے حوالے سے قائم کیے گئے فنڈ میں جمع کرا دی ہے۔  ترجمان وزیراعلیٰ سندھ کے مطابق تھرپارکر سے تعلق رکھنے والی سینیٹر  محترمہ کرشنا کولہی نے 165000 کا چیک وزیراعلیٰ سندھ کو بھیج دیا۔ واضح رہے کہ وزیراعلیٰ سندھ سید مراد علی شاہ نے کورونا وائرس کے خلاف جنگ کے لیے یہ فنڈ قائم کیا ہے تاکہ مریضوں کے علاج کے ساتھ ساتھ مسحقین کی مدد کی جاسکے۔

پاکستان میں کورونا وائرس سے متاثرہ افراد کی تعداد 1246 تک پہنچ گئی ہے جبکہ 429 مصدقہ متاثرین کے ساتھ سندھ اس وقت ملک میں کورونا وائرس سے سب سے زیادہ متاثرہ صوبہ ہے۔ پاکستان میں ہلاکتوں کی تعداد نو ہے جن میں سے تین، تین کا تعلق خیبر پختونخوا اور پنجاب سے ہے جبکہ ایک، ایک مریض سندھ، گلگت بلتستان اور بلوچستان میں ہلاک ہوا تاہم 21 افراد صحتیاب بھی ہوئے ہیں اہم شہروں میں کراچی میں متاثرین کی تعداد 150 سے زائد ہے جن میں سے 102 ایسے افراد ہیں جن میں یہ وائرس مقامی طور پر منتقل ہوا تھا۔ اس کے علاوہ لاہور میں بھی 103 افراد کورونا کے مریض ہیں ملک کے چاروں صوبوں کے علاوہ دارالحکومت اسلام آباد، گلگت بلتستان اور پاکستان کے زیرِ انتظام کشمیر میں بھی مکمل یا جزوی لاک ڈاؤن ہے جبکہ ملک بھر میں فوج بھی تعینات ہے پاکستان کی حکومت نے چار اپریل تک ملک میں بین الاقوامی فضائی آپریشن معطل کر دیا ہے جبکہ ملک بھر میں ٹرین آپریشن بھی 31 مارچ تک بند کر دیا گیا ہے